युनिकोड
सल्यानमा नेपाली सेनाको ट्रक दुर्घटना हुँदा एक जनाको ज्यान गएको छ। घटनामा परी ६ जना गम्भीर घाइते भएका प्रहरीले जनाएको छ।
सल्यानको कपुरकोट ३ चोरखोलामा सेनाको हतियार बोकेको ट्रक खसेर भएको दुर्घटनामा जमदार यादवप्रसाद धरेलको मृत्यु भएको हो। उनकाे राप्ती प्रादेशिक अस्पताल तुलसीपुरमा उपचारका क्रममा मृत्यु भएकाे जिल्ला प्रहरी कार्यालय सल्यानका प्रहरी निरीक्षक उमाकान्त जाेशीले नेपालखबरलाई जानकारी दिए।
दुर्घटनामा मेजर ईश्वर सिलवाल, सिपाहीहरू विशाल गुरुङ, रेशम हिटन मगर, विपिन श्रेष्ठ, हवल्दारद्वय जय प्रकाश बोहरा र मोहन थापा घाइते भएका छन्।
सल्यानको सवुज गणबाट बुटवलतर्फ हातहतियार र विष्फोटक प्रदार्थ लगेर जाँदै गरेको लु १ ग १२३ नम्बरको ट्रक बुधबार दिउँसो साढे ४ बजेतिर दुर्घटनामा परेको हो।
दुर्घटनामा परेकाे सेनाकाे ट्रकमा सात जना सवार रहेका प्रहरी निरीक्षक जाेशीले जानकारी दिए।
राप्ती प्रादेशिक अस्पतालमा उपचार पछि घाइते सेनालाई थप उपचारका लागि सेनाको हेलिकप्टरबाट काठमाडौं ल्याइएकाे छ।
प्रतिक्रिया