आजको मौसम : कोशी, बागमती र गण्डकी प्रदेशमा बादल लाग्ने, तराईमा हुस्सु र कुहिरो

हाल नेपालमा उल्लेखनीय मौसमी प्रणाली नरहेको मौसम पूर्वानुमान महाशाखाले जनाएको छ।

यतिबेला देशको कोशी र गण्डकी प्रदेशको पहाडी भू–भागमा आंशिक बदलीको अवस्था छ। महाशाखाका अनुसार यतिबेला तराईका थोरै भूभागमा हुस्सुरकुहिरो लागेको छ। 

सोमबार दिउँसो कोशी, बागमती र गण्डकी प्रदेशको पहाडी भू–भागमा आंशिक बदलीको अवस्था रहने छ। बाँकी भू–भागमा भने मौसम सामान्यतया सफा रहने महाशाखाले जनाएको छ।  

सोमबार राति कोशी र गण्डकी प्रदेशको पहाडी भू–भागमा आंशिक बदलीकै अवस्था रहने छ।