युनिकोड
राष्ट्रपति रामचन्द्र पौडेलले ९१ वर्षीया भाउजू विष्णुमाया पौडेलबाट दसैँको टीका र जमरा लगाएका छन्। साथै गुरु पुरोहितबाट पनि दसैँको दीका र जमरा लगाएका छन्।
शीतल निवासस्थित राष्ट्रपति कार्यालयमा आज राष्ट्रपति पौडेलले दसैँको शुभ साइत ११ बजेर २ मिनेटमा टीका लगाएका हुन्। आफूले टीका लगाएपछि उनले परिवारका सदस्यलाई टीका लगाइदिए।
विजया दशमीका अवसरमा आज राष्ट्रपति पौडेलले विशिष्ट व्यक्तित्वहरुलाई दिउँसो २ बजेदेखि ३ बजेसम्म र सर्वसाधरणका लागि ३ बजेदेखि ५ बजेसम्म टीका लगाइदिने कार्यक्रम रहेको छ।
राष्ट्रपति कार्यालयका प्रवक्ता शैलजा रेग्मी भट्टराईद्वारा जारी प्रेस विज्ञप्तिमा विजया दशमीको दिन शीतल निवास राष्ट्रपति कार्यालय सम्माननीयहरु, उपप्रधानमन्त्रीहरु, मन्त्रीहरु, प्रदेश प्रमुखहरु, न्यायाधीशहरु, सांसद, संवैधानिक निकायमा प्रमुख एवम विशिष्ट व्यक्तित्वहरुलाई २ बजेदेखि ३ बजेसम्म र सर्वसाधरणका लागि ३ देखि ५ बजेसम्म टीका लगाइदिने जनाइएको छ।
अतिविशिष्ट, विशिष्ट तथा सर्वसाधारणलाई टीकाको लागि आउँदा मर्यादित पोषाकमा १ नम्बर प्रवेशद्वारबाट आउन भनिएको छ।
प्रतिक्रिया