चितवनमा स्कुटर दुर्घटना हुँदा सिन्धुपाल्चोककी २४ वर्षीया युवतीको मृत्यु

चितवनको नारायणगढ–मुग्लिन सडकखण्डमा स्कुटर दुर्घटना हुँदा एक युवतीको मृत्यु भएको छ। 

मृत्यु हुनेमा सिन्धुपाल्चोकको लिशङ्खुपाखर गाउँपालिका वडा नम्बर ६ बस्ने २४ वर्षीया संगिता भण्डारी रहेकी छन्।

जिल्ला प्रहरी कार्यालयका प्रहरी नायब उपरीक्षक विजयराज पण्डितका अनुसार इच्छाकामना गाउँपालिका ६ नौकिलो नजिक बाप्र०२०४६प १६९२ नम्बरको स्कुटर आफैँ अनियन्त्रित भई पल्टिँदा भण्डारीको मृत्यु भएको प्रहरीले जनाएको छ।

आज बिहान ७ः४५ बजे दुर्घटना हुँदा भण्डारीको घटनास्थलमै मृत्यु भएको प्रहरीले जनाएको छ । मृतकको शव परीक्षणका लागि भरतपुर अस्पताल राखिएको छ। रासस