स्कुल बसको ठक्करबाट पैदाल यात्रीको मृत्यु

झापाको गौरादह नगरपालिका-१ स्थित भित्री सडक खण्डमा स्कुल बसको ठक्करबाट पैदल यात्रीको मृत्यु भएको छ। मृत्यु हुनेमा ७२ वर्षीया तुलसा दाहाल रहेकी छन्।

बिहीबार अपरान्ह ३ बजे  माउन्ट एभरेष्ट बोर्डिङ स्कुलको  मे. १ ख २६७६ नम्बरको बसले ठक्कर दिदा घाइते भएकी दाहालको उपचारका क्रममा बीएण्डसी अस्पताल बिर्तामोडमा मृत्यु भएको हो।

ठक्कर दिने बस र चालक गौरादह-२ का अमरलाल ताजपुरीयालाई प्रहरीले नियन्त्रणमा लिई घटना सम्बन्धमा थप अनुसन्धान गरिरहेको छ।