युनिकोड
दुई दिनअघि श्रीमतीलाई बन्चरो प्रहार गरी फरार भएका व्यक्ति मृत फेला परेका छन्।
नुवाकोटको ककनी गाउँपालिका २ चित्रेका ३९ वर्षीय काले भन्ने माइला तामाङ मंगलबार मृत फेला परेका हुन्।
पुस २५ गते घरायसी विवादका काराण उनले श्रीमती ३५ वर्षीया निरमाया तामाङलाई बन्चरो प्रहार गरी घाइते बनाएका थिए। टाउकोमा गम्भीर चोट लागेकी निरमायाको उपचार भइरहेको छ।
तर घटनापछि फरार भएका माइला तामाङ मंगलबार दिउँसो ककनी गाउँपालिका १ नयाँबस्तीस्थित चाउथे जाने भित्री सडकमा मृत अवस्थामा फेला परेका हुन्।
उनको हत्या भएको आशंका गरिएको नुवाकोटका प्रहरी प्रवक्ता डीएसपी रुपक खड्काले बताए। माइलाको हत्या आशंकामा प्रहरीले २ जनालाई पक्राउ गरेको छ। उनीहरुमाथि अनुसन्धान भइरहेको डएिसपी खड्काले बताए।
प्रतिक्रिया