युनिकोड
भारत सरकारले प्रस्तुत गरेको नागरिकता कानुन केही हप्ता अगाडि संसदबाट पारित भएको थियो।
उक्त कानुन मुसलमान विरोधी भएको भन्दै मुसलमान समुदायले सरकारको विरोध गरिरहेका छन् भने स्थानिय नागरिकले नयाँ कानुनले ठूलो संख्यामा आप्रवासी देशमा भित्रिने हुँदा आफूहरु चेपुवामा पर्ने भन्दै सरकारको विरोध गरिरहेका छन्।
यसबीचमा जर्मनका विद्यार्थी जो भारतमा फिजिक्स अध्ययन गरिरहेका छन् उनी पनि सरकारविरुद्धको आन्दोलनमा सहभागी भएका थिए। ज्याकोब लिडेन्थल आन्दोलनमा सहभागी भएसँगै उनलाई भारतको अध्यागमन विभाले देश छाड्न आदेश दिएको हो।
उनी मद्रासको आइआइटी क्याम्पसमा अध्ययनरत छात्र हुन्। अध्यागमन विभागले उनलाई देश छाड्न आदेश दिएपछि उनले भारत सरकार नाजी चरित्रको भएको बताउँछन्।
It has come to our notice that, Jakob Lindenthal, an MS exchange student from Germany in the department of Physics at IIT Madras has been asked to leave the country by the immigration department due to his participation in the anti CAA protests. pic.twitter.com/fKSgmkK0A0
उनी भन्छन्,‘मैले नैतिक समर्थन गर्दै आन्दोलनमा सहभागी भएको थिए।’ ज्याकोब लिडेन्थलले अब जर्मनीमै गएर पढाई पुरा गर्ने बताएका छन्।
भारतको संसद्ले गैरकानुनी रूपमा अफगानिस्तान, बंगलादेश र पाकिस्तानबाट आउने गैरमुस्लिम आप्रवासीहरूलाई नागरिकता दिने प्रावधान भएको नागरिकता विधेयक पारित गरेपछि त्यहाँ विवाद मच्चिएको हो।
प्रदर्शनका क्रममा २० भन्दा बढीको मृत्यु भइसकेको छ। एजेन्सी
प्रतिक्रिया