युनिकोड
त्रेता युगमा भगवान राम र सीताबीचको विवाह भएको दिनको स्मरण गर्दै जनकपुरमा धुमधामसँग विवाहपञ्चमी महोत्सव मनाइँदैछ।
आइतबार (आज) दिउँसो भगवान राम र सीताको डोलाफेर र स्वयंम्वर सम्पन्न भएको छ।
साधुसन्तको अगुवाइमा झाँकी कीर्तनसहित राम मन्दिरबाट रामको डोला र जानकी मन्दिरबाट जानकीको डोला निस्केर एतिहासिक बाह्रविघा रंगभूमि मैदान पुगेर स्वयंम्वर गरिएको हो।
ढोल पिपही, सहनाई, व्यान्ड बाजा र पञ्चेबाजासहित छुटछुट्टै निस्किने दुवै डोली बाह्रविघा मैदानमा मिलन भएपछि वैदिक परम्परा अनुसार मालाफेर गरी राम र जानकीको स्वयंम्वर गर्ने प्रचलन छ। डोलाको दर्शन एवं राम र सीताको स्वयंम्वर हेर्न बाह्रविघा मैदानमा लाखौं दर्शनार्थीको घुइँचो लागेका थियो।
स्वयंम्वरपछि जनकपुरको नगर परिक्रमा गरी जानकी मन्दिरमा पुग्ने प्रचलन छ। आजै साँझदेखि मिथिलाको वैदिक परम्परा अनुसार राम र सीताको विवाह गर्ने कार्यक्रम रहेको छ। विवाहका लागि जानकी मन्दिर प्रांगणमा मण्डप बनाइएको छ।
बैबाहिक कार्यक्रममा भगवान रामका बुबा राजा दशरथको भूमिकामा राम मन्दिरका महन्थ राम गिरी र सीताको पिता राजा जनकको भूमिकामा जानकी मन्दिरका महन्थ रामतपेश्वर दास बैष्णवले भूमिका निर्वाह गर्दछन्।
विवाहपञ्चमी अवलोकन गर्न आएका लाखौं दर्शनार्थीले अहिले जनकपुर खचाखच भरिएको छ।
प्रतिक्रिया