प्रदेश ५ का सांसद बिजय यादवको गाडीले ठक्कर दिँदा एक प्रहरी जवान घाइते भएका छन्।
घाइते हुनेमा कारागार सुरक्षा गार्ड बाँके दरबन्दी भई बालसुधार गृह हिरमिनिया बाँकेमा कार्यरत दिपक कुमार चौधरी रहेका छन्।
सांसद यादवको लु १ झ ४४२२ नं को गाडीले चौधरी सवार रा ४ प ६०५४ नं को मोटरसाइकललाई रामलिला मैदान नजिक ठक्कर दिएको थियो। चौधरीको टाउकोमा चोट लागेको र उनको नेपालगञ्ज मेडिकल कलेजमा उपचार भइरहेको प्रहरले जनाएको छ। उनको अवस्था मध्यम छ।
गाडी, गाडी चालक र मोटरसाइकल प्रहरीको नियन्त्रणमा रहेको जनाइएको छ।
प्रतिक्रिया