टिपरले बाइकलाई ठक्कर दिँदा कृषि अधिकृतको मृत्यु

कृषि ज्ञान केन्द्र दाङमा कृषि प्रसार अधिकृत पदमा कार्यरत बन्धुराम चौधरीको टिपरको ठक्करबाट मृत्यु भएको छ।

चौधरी सवार रा१ब ५८७ नम्बरको मोटरसाइकललाई घोराही–लमही सडक खण्ड अन्तरगत बेल्दमारमा रा १ ख १२७१ नम्बरको टिपरले ठक्कर दिएको हो।

घोराही उपमहानगरपालिका-३ बेलुवाका चौधरी स्मार्ट कृषि गाउँ कार्यक्रम प्यूठानको औलेनीमा आयोजित सार्वजनिक सुनुवाइ कार्यक्रमबाट फर्कने क्रममा टिपरले ठक्कर दिएको प्रहरीले जनाएको छ।