स्याललाई हानेको गोलीले छोरालाई लागेर ज्यान गयो

पाल्पाको रिब्दिकोट गाउँपालिका-६ तल्लो ताल बस्ने ३५ वर्षीय धनबहादुर लम्तरीको भरुवा बन्दुकको गोली लागेर मृत्यु भएको छ ।

५६ वर्षीय बुवा कर्णबहादुर लम्तरीले घरबाट सय मिटर नजिकै मकै बारीमा भरुवा बन्दुकले स्याल मार्न खोज्दा छोरा धनबहादुरको टाउकोमा गोली लागेर मृत्यु भएको जिल्ला प्रहरी कार्यालयले जनाएको छ ।

एकनाले भरुवा बन्दुकसहित कर्णबहादुरलाई पक्राउ गरेर घटनाको अनुसन्धान भइरहेको प्रहरीले जनाएको छ। शुक्रबार साँझ करिब ६ बजे उक्त घटना भएको जानकारी प्रहरीले दिएको छ।