युनिकोड
नेपाल स्वास्थ्य व्यवसायी संघका अध्यक्ष नवराज बस्नेतले स्वास्थ्य क्षेत्रको करिब एक खर्ब बजेटमा आधा रकम भ्रष्टाचार हुने गरेको दाबी गरेका छन् । सोमबार राजधानीको संवाद डबलीमा संघले गरेको पत्रकार सम्मेलनमा उनले यस्तो बताएका हुन्।
बस्नेतले वर्तमान सरकारलाई भ्रष्टाचारको जालो तोड्ने ऐतिहासिक अवसर जनताले दिएको भन्दै सरकारले मौका नगुमाउने विश्वास व्यक्त गरे। स्वास्थ्यमा छुट्याईने आर्थिक वर्षको कुल बजेटको ५० प्रतिशत रकम अपचलन हुने गरेको बताउँदै उनले भने, ‘मन्त्री, कर्मचारी, बिचौलिया र तस्कर व्यवसायीको मिलेमातोमा आधा खरब रकम लुटेर खाने प्रचलनमा ब्रेक लगाउन यो सरकारलाई अवसर छ।’
उनले सार्वजनिक खरिद ऐन २०६३ नै स्वास्थ्य क्षेत्रको भ्रष्टाचारको मुल आधार रहेको जिकिर गरे। उनले भने, ‘जनताको सेवाभन्दा पनि आफू र सिमित आसोपासेको दुनो साझ्यान पटकपटक खरिद ऐन संशोधन गरेर आफू अनुकुल बनाएका छन्, त्यसलाई अब जनमैत्री बनाउनु पर्छ।’ यो ऐन संसोधन नगरे कानुनलाई नै टेकेर भ्रष्टाचार हुने उनले बताए। ‘व्यवसायीले दिएको स्पेसिफिकेसन (विवरण) र सर्तहरु हुबहु छापेर सेटिङमा बोलपत्र प्रकाशित गर्न केन्द्र, प्रदेश र स्थानीय सरकारसम्म भ्रष्ट कर्मचारी र माफिया सक्रिय रहेका छन्’ बस्नेतले भने ।
प्रतिक्रिया