युनिकोड
उपराष्ट्रपति नन्दबहादुर पुनले वडादशैँ २०७६ का अवसरमा शुभकामना सन्देश दिएका छन्।
विजया–दशमीको पावन पर्वको माध्यामबाट नेपालीहरुकाबीच आपसी सद्भाव, सहिष्णुता, भाईचारा र बलियो एकताको अभिवृद्धि हुँदै जाने कुरामा विश्वस्त रहेको उपराष्ट्रपति पुनले भनेका छन्।
‘देश ‘समृद्ध नेपाल, सुखनी नेपाली’को राष्ट्रिय आकांक्षाका साथ समुन्नती र समृद्धिको मार्गमा छ। राष्ट्रिय एकता, आर्थिक सामाजिक रुपान्तरणसहितको समृद्ध राष्ट्र निर्माणको लागि सबै नेपालीहरुलाई एकताबद्ध गर्दै आपसी सहमति, सहयोग र सहकार्यको बाटोमा अघि बढ्न विजया–दशमीले प्रेरित गर्ने अपेक्षा लिएको छु।
संविधान कार्यान्वयनका बाँकी कार्यहरु यथाशिघ्र पूरा गर्दै देशको सार्वभौमिकता, स्वाधीनता, भौगोलिक अखण्डता र नेपाली जनताको स्वतन्त्रतालाई अझै बलियो बनाउन विजया–दशमीले सबैलाई थप प्रेरित गरोस् भनी कामनासमेत गर्दछु’ पुनको सन्देशमा भनिएको छ।
प्रतिक्रिया