युनिकोड
अमेरिकी राज्य विभागका प्रवक्ता नेड प्राइसले शनिबार ट्विटगर्दे ताइपेइको लागि २५ लाख डोज खोप ढुवानी गरेको जानकारी दिएका हुन्।
अमेरिकाले पठाएको मोडेर्नाको खोपहरु ताइवानको स्थानीय समयअनुसार आइतबार साँझ त्यहाँ आइपुग्नेछ।
ताइवानमा यतिबेला कोरोनाको खतरा बढिरहेको छ। तर हरेक १ लाख व्यक्तिमध्ये ६ जनाले मात्र खोप लगाउन पाएका छन्।
यसबीचमा चीनले ताइवानलाई पुग्दो खोप सहयोग गर्ने बताइरहँदा ताइवानले भने चिनियाँ खोप अस्वीकार गरिरहेको छ।
यसअघि अमेरिकाले ताइवानलाई ७ लाख ५० हजार डोज खोप प्रदान गर्ने वाचा गरेको थियो। तर यतिबेला अमेरिकाले संख्या बढाएर २५ लाख डोज खोप प्रदान गर्न लागेको हो।
ताइवानकी राष्ट्रपति साई इंग वेनले अमेरिकी खोप आउने भएपछि ठिक समयमा सहयोग पाएको बताएकी छिन्।
ताइवानलाई चीनले आफ्नो क्षेत्र भएको दाबी गर्दछ। ताइवानसँग कसैले आफ्नो सहमति बेगर स्वतन्त्र रुपमा सहमति र सम्झौता गर्न नपाउने चीनको भनाइ छ।
तर अमेरिको अटेर गर्दै ताइवानलाई सहयोग गरेको हो। ताइवानलाई आफूले सैन्य कारवाही गरेरै कब्जा गर्ने चीनले बताउँदै आएको छ।
यसबीचमा चीनलाई चिढ्याउन जी ७ मुलुकले ताइवानलाई सहयोग गर्ने संकेत दिएका छन्। जी७ राष्ट्रले चीनलाई ताइवानको सीमामा तनाव नबढाउन भनेको छ। सीएनएन
प्रतिक्रिया