युनिकोड
हालै सम्पन्न विधानसभाको निर्वाचनमा बंगालमा तृणमूल काँग्रेसले बहुमत हासिल गरेसँगै लगातार तेस्रोपटक ममता बनर्जी मुख्यमन्त्री बनेकी हुन्।
वर्तमान समयमा तृणमूल काँग्रेसकी प्रमुख बनर्जी भारतको एक्ली महिला मुख्यमन्त्री हुन्।
तृणमूल काँग्रेसले भारतीय प्रधानमन्त्री नरेन्द्र मोदीको पार्टी भाजपालाई पराजित गर्दै सरकार बनाएको हो।
२९४ सिटका लागि भएको निर्वाचनमा बनर्जीको पार्टीले २१३ सिटमा जित तिकाल्दा भाजपाले ७७ सिटमा जित हात पारेको थियो।
बनर्जीले तेस्रो कार्यकालको लागि बुधबार शपथग्रहण गरिन्
मोदीको पार्टीलाई लगातार पराजित गरेपछि बनर्जीको चर्चा भारतभर चुलिएको छ।
यसबीचमा बुधबार बनर्जीले मुख्यमन्त्रीको शपथग्रहण गरेसँगै प्रधानमन्त्री मोदीले पनि उनलाई शुभकामना दिएका छन्।
मोदीले भनेका छन्,‘पश्चिम बंगालको मुख्यमन्त्रीको रूपमा शपथ लिएकोमा ममता दिदीलाई बधाई छ।’
Congratulations to Mamata Didi on taking oath as West Bengal’s Chief Minister. @MamataOfficial
७० वर्षका मोदीले ६६ वर्षकी बनर्जीलाई किन दिदी भने?
पश्चिम बंगालमा सम्मान गरेर साझा रुपमा सम्बोधन गर्दा महिलालाई ‘दिदी’ र पुरुषलाई ‘दादा’ भन्ने गरिएको भारतीय संचारमाध्यमले जनाएका छन्।
विद्यार्थी जीवनदेखि राजनीतिमा सक्रिय रहेकी ममता बनर्जीलाई पहिल्यैबाट ‘दिदी’ भनिएको थियो।
अविवाहित उनलाई सम्मान गरेर ‘दिदी’ भनिएको हो। महात्मा गान्धीलाई ‘बापु’ भनेर चिनिएजस्तै ममता बनर्जीलाई ‘दिदी’ भनेर चिन्ने गरिएको छ।
प्रतिक्रिया