युनिकोड
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले देशका सम्पूर्ण कम्युनिस्ट पार्टीलाई एक हुन आह्वान गरेका छन्।
विश्व सर्वहारा वर्गका नेता भीआई लेनिनको जन्मजयन्ती तथा नेपाल कम्युनिस्ट पार्टी स्थापना दिवसको अवसरमा बिहीबार विज्ञप्ति जारी गरी प्रचण्डले नेपालका सम्पूर्ण कम्युनिस्ट क्रान्तिकारी र वामपन्थी प्रगतिशील शक्तिलाई एकताबद्ध हुन अपिल गरेका हुन्।
‘तत्कालीन सोभियत संघलाई एकताबद्ध गर्न महान् लेनिनले खेल्नुभएको भूमिका नेपालको सन्दर्भमा प्रेरणाको स्रोत बन्न सक्दछ,’ बिहीबार जारी विज्ञप्तिमा प्रचण्डले भनेका छन्, ‘पार्टी स्थापना दिवस र लेनिन जयन्तीको यो ऐतिहासिक अवसरमा हाम्रो पार्टी सम्पूर्ण कम्युनिस्ट क्रान्तिकारीहरू र वामपन्थी प्रगतिशील शक्तिहरूलाई एकताबद्ध हुँदै प्रतिगमनका विरुद्धको अभियानमा लामबद्ध हुन हार्दिक अपिल गर्दछ।’
हेर्नुहोस्, बिहीबार बिहान प्रचण्डले जारी गरेको विज्ञप्ति :
प्रतिक्रिया