‘म्यान्मारमा भइरहेको नरसंहारविरुद्ध मुख खोलौं, अरूलाई खाने बाघले हामीलाई पनि खान सक्छ’

पूर्वप्रधानमन्त्री एवं जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले म्यान्मारमा भइरहेको नरसंहारविरुद्ध बोल्न लोकतन्त्रवादी सबैलाई आह्वान गरेका छन्।

संसारका कुनै पनि कुनामा तानाशाही शासन स्वीकार्य नभएको उल्लेख गर्दै उनले अरूलाई खाने बाघले आफूलाई पनि खाने भएकाले यसविरुद्ध मानवता र लोकतन्त्र पक्षधर सबैले मुख खोल्नुपर्ने सुझाव दिएका हुन्।

‘म्याान्मारमा भइरहेको नरसंहारविरूद्ध मानवता र लोकतन्त्र पक्षधर सबैले मुख खोलौं। २१औं शताब्दीमा संसारका कुनै पनि कुनामा फौजी वा गैरफौजी तानाशाही स्वीकार्य छैन,’ आइतबार बिहानै डा. भट्टराईले सामाजिक सञ्जालमार्फत सचेत गराएका छन्, ‘अरूलाई खाने बाघले हामीलाई पनि खान सक्छ !’

याे पनि : म्यान्मारमा बढ्दै हिंसा, सुरक्षाकर्मीले मारे बच्चासहित एकैदिन ९० भन्दा बढी प्रदर्शनकारी