जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले ओली सरकारविरुद्ध कसले पहिला पहल गर्ने भनेर दलहरूले एकअर्काको मुख ताक्दाताक्दै प्रतिगमनको यात्रा लम्बिरहेको बताएका छन्।
पूर्वप्रधानमन्त्रीसमेत रहेका जसपा नेता डा. भट्टराईले हिन्दी उखानको उदाहरण दिँदै ओली सरकार हटाउन ढिला भइरहेकामा चिन्ता प्रकट गरेका हुन्।
‘पहले आप, पहले आप’ भन्दाभन्दै लखनऊका नवावको गाडी छुट्थ्यो रे ! विपक्षी दलहरूले एकअर्कालाई देखाएर ओली सरकारविरूद्ध पहल लिन ढिलो गर्दा प्रतिगमनको गाडी अकण्टक अघि बढ्दै छ,’ डा. भट्टराईले मंगलबार दिउँसो सामाजिक सञ्जालमार्फत भनेका छन्, ‘सत्तासीन शक्तिविरूद्ध संघर्ष केन्द्रित गर्नु बहुदलीय लोकतन्त्रको सामान्य धर्म हो। यो वा ऊ बहानामा भाग्ने गल्ती नगरौं !’
3
Shares
प्रतिक्रिया