युनिकोड
संवैधानिक निकायहरुमा गरिएको असंवैधानिक नियुक्तिको विरुद्धमा नागरिक अगुवाले आज (शुक्रबार) बिहान काठमाडौंमा मार्चपास गरेका छन्।
नागरिक अभियन्ता स्व. पद्मरत्न तुलाधरको लैनचौरस्थित निवासबाट महाराजगञ्जसम्म मार्चपास गरिएको हो।
नागरिक अभियन्ताले राष्ट्रपति कार्यालयसम्म मार्चपास गर्ने पूर्वयोजना बनाएका थिए। तर, प्रहरीले शितलनिवासतर्फ अघि बढ्न नदिएपछि महाराजगञ्जस्थित पानीपोखरीसम्म मात्र मार्चपास गरिएको हो। मार्चपासपछि कोणसभा गरिएको छ।
मार्चपासमा नागरिक अगुवाहरू खगेन्द्र संग्रौला, नारायण वाग्ले, युग पाठक, कृष्ण खनाल, सञ्जीव उप्रेतीलगायत सहभागी भएका छन्। एक साताअघि नागरिक अगुवाले बालुवाटारमा प्रदर्शन गर्दा प्रहरीले बल प्रयोग गरेको थियो।
संवैधानिक अंगहरुमा असंवैधानिक रुपमा नियुक्त भएकाहरुलाई बुधबार राष्ट्रपति विद्यादेवी भण्डारीले शपथ ग्रहण गराएको विरोधमा वृहत् नागरिक आन्दोलनले मार्चपास गरेको हो। मार्चपासमा सयौँ सहभागी थिए।
प्रतिक्रिया