हेर्नुहोस्, खानेपानी मन्त्री थापाले ‘श्री ५ को सरकार’ भनेको भाइरल भिडिओ

नेकपा ओली समूहले शनिबार सुर्खेतमा आयोजना गरेको भेलामा खानेपानी तथा सरसफाइ मन्त्री मणि थापाले ‘श्री ५ को सरकार’ भनेको भिडिओ अहिले सामाजिक सञ्जालमा निकै भाइरल भइरहेको छ।

कार्यक्रमलाई सम्बोधन गर्दै मन्त्री थापाले भनेका छन्, ‘सुर्खेतका आदरणीय जनसमुदायहरू म सबैलाई नेकपा स्थायी समितिको तर्फबाट र श्री ५ को सरकारको तर्फबाट यो कार्यक्रममा...ए सरी नेपाल सरकारको तर्फबाट यो कार्यक्रममा तपाईंहरूलाई लाल सलाम भन्न चाहन्छु।’ 

मन्त्रीज्यू भन्नुहुन्छ- श्री ५ काे सरकार... !
अरूले नै सिकाइदिनुपर्छ- तपाईको नेपाल सरकार हो मन्त्रीज्यू ! pic.twitter.com/NsVkxdX8lY

— Baral Arune (@ArunBaral1) January 30, 2021

यस विषयमा उनले आइतबार सामाजिक सञ्जालमार्फत माफी मागेका छन् :  सुर्खेतको भेलामा भूलवश श्री ५ को सरकार भनेछु, माफ गर्नुहोला : खानेपानी मन्त्री थापा