युनिकोड
शुक्रबारबाट सुरु हुने राष्ट्रिय सभाको हिउँदे अधिवेशनका लागि राष्ट्रियसभा सदस्यहरुको कोरोना परीक्षणका लागि स्वाब संकलन गरिएको छ।
बिहीबार संसद भवनमा राष्ट्रिय सभा सदस्यहरुको स्वाब संकलन गरिएको हो।
संसद सचिवालयका प्रवक्ता रोजनाथ पाण्डेले सबै सदस्यको निःशुल्क कोभिड–१९ परीक्षणको व्यवस्था मिलाइएको जानकारी दिए।
राष्ट्रियसभाको हिउँदे अधिवेशन पुस १७ गते अपरान्ह ४ बजेको निम्ति आह्वान भएको छ। बैठकको अघिल्लो दिन सदस्यहरुको कोरोना परीक्षणका लागि स्वाब संकलन गरिएको हो।
आज संकलन गरिएको स्वाबको भोलि दिउँसोसम्म रिपोर्ट आउने र नेगेटिभ रिपोर्ट आएका सदस्यहरुलाई बैठकमा सहभागी गराइने छ।
प्रतिक्रिया