युनिकोड
नेपालमा विकसित पछिल्ला राजनीतिक घटनाक्रम नेपालको आन्तरिक मामिला भएको भारतले जनाएको छ।
प्रधानमन्त्री केपी शर्मा ओलीले गरेको प्रतिनिधि सभा विघटनको वैधानिकतामाथि प्रश्न उठिरहेका बेला भारतीय विदेश मन्त्रालयका प्रवक्ता अनुराग श्रीवास्तवले यस्तो बताएका हुन्।
‘नेपालमा हालै भएको राजनीतिक घट्नाक्रमलाई हामीले ध्यान दिएका छौँ,’ श्रीवास्तवले नियमित पत्रकार सम्मेलनमा भने, ‘यी विषय नेपाल आफैँले उसको लोकतान्त्रिक अभ्यासअनुसार निर्णय गर्ने आन्तरिक मामिला हुन्।’
भारतले नेपालको शान्ति र विकासमा सहयोग जारी राख्ने पनि उनले बताए।
‘एउटा छिमेकी शुभेच्छुकको नाताले भारतले नेपाल र त्यहाँका जनतालाई शान्ति, विकास र समृद्धिको मार्गमा अघि बढ्न सहयोग जारी राख्नेछ,’ श्रीवास्तवले भने।
प्रतिक्रिया