युनिकोड
हिजो तोलामा १२ सय रुपैयाँ बढेको सुनको मूल्य आज उच्च दरमा बढेको छ।
तोलामा पाँच हजार रुपैयाँ बढेर सुनको भाउ आज २ लाख ९८ हजार २ सय रुपैयाँ पुगेको नेपाल सुनचाँदी व्यवसायी महासंघले जनाएको छ।
सुनको मूल्य हिजो तोलामा १२ सय रुपैयाँ बढेर २ लाख ९३ हजार दुईसय रुपैयाँ पुगेको थियो। गएको शुक्रबार सुनको भाउ तोलाको २ लाख ९२ हजार रुपैयाँ थियो।
यसअघि गएको बुधबार सुनको भाउ तोलामा १० हजार १ सय र बिहीबार ५ हजार १ सय रुपैयाँ घटेको थियो।
त्यसैगरी आज चाँदीको भाउ पनि बढेको छ। चाँदीको भाउ आज तोलाको १७५ रुपैयाँ बढेर ५ हजार १५ रुपैयाँ पुगेको छ।
गएको माघ १५ गते पनि सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।
माघ १५ गते चाँदीको भाउ तोलाको सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।
प्रतिक्रिया