प्रमुख प्रतिपक्षी दिन नेपाली कांग्रेसका नेता गगनकुमार थापाले चीनका लागि नेपाली राजदूतले महेन्द्र पाण्डेले ग्लोबल टाइम्समा दिएको अन्तरवार्तामा व्यक्त विचार र भाषा कूटनीतिज्ञको मर्यादा विपरीत भएको बताएका छन्।
राजदूत पाण्डेको ग्लोबल टाइम्समा प्रकाशित अन्तरवार्तामा व्यक्त विचार र भाषालाई लिएर नेता थापाले सामाजिक सञ्जाल ट्विटरमा ट्विट लेख्दै अन्तर्राष्ट्रिय सम्बन्धजस्तो संवेदनशील विषयमा राजदूतबाट हलुका टिप्पणी सदा अवाञ्छनीय हुने बताएका हुन्।
उनले यतिखेर भारत–चीन र नेपालसम्बन्ध यथास्थितिभन्दा अलि फरक र जटिल बन्दै गएको भन्दै यस्तो बेला राजदूत पाण्डेको गैरजिम्मेवार अभिव्यक्तिले नेपालको कूटनीतिक कौशलमा समेत प्रश्न उठाउने बताएका हुन्।
‘चीनका लागि नेपाली राजदूतले ग्लोबल टाइम्समा दिनुभएको अन्तरवार्तामा व्यक्त विचार र भाषा कूटनीतिज्ञको मर्यादा विपरीत छ’, ट्विटरमा नेता थापाले लेखेका छन्, ‘प्रदीप ज्ञवालीज्यू, राजदूतको त्यो अभिव्यक्ति नै सरकारको आधिकारिक धारणा हो? होईन भने परराष्ट्र मन्त्रालायले आफ्नो धारणा स्पष्ट गरोस्।’
प्रतिक्रिया