ओमानस्थित नेपाली दूतावासले आफ्नै भवन निर्माण गर्ने भएको छ। यसका लागि दूतावासलाई जग्गा प्राप्त भइसकेको दूतावासले जनाएको छ।
नेपाली दूतावास तथा नियोग प्रमुखको आवासीय भवन निर्माणार्थ नेपाल सरकार र ओमान सरकारबीच जग्गा प्राप्ति सम्बन्धी एक सम्झौतामा मंगलबार हस्ताक्षर भएको हो।
ओमानको परराष्ट्र मन्त्रालयमा ओमानको तर्फबाट त्यहाँको परराष्ट्र मन्त्रालयका सचिव मोहम्मद विन नासिर विन मोहम्मद अल वहेबि र नेपालको तर्फबाट ओमानका लागि नेपाली राजदूत शर्मिला पराजुली ढकालले सम्झौतामा गरेका छन्।
सरकारले नेपाली दूतावास भएका देशमा आफ्नै भवन बनाउने नीति लिएको छ।
सम्झौताअनुसार ओमानको सो कूटनीतिक परिसरभित्र ४ हजार १०० वर्गमिटर क्षेत्रफलको जग्गा २० वर्षलाई लिजमा लिइएको छ। उक्त अवधिपश्चात् आपसी सहमतिमा सम्झौताको अवधि बढाइने उल्लेख छ।
यो सम्झौतासँगै समग्र खाडी क्षेत्रमा आफ्नै भवन हुने पहिलो नेपाली दूतावास ओमान हुने भएको छ।
Shares
प्रतिक्रिया