लगानी बोर्डको सीईओका लागि छानिए यी ६ जना

नेपाल लगानी बोर्डको प्रमुख कार्यकारी अधिकृत (सीईओ)को लागि उपसमितिले ६ जनाको नाम छनोट गरिएको छ। 

१२ जनाको आवेदन परेकोमा अर्थ मन्त्रालयले गठन गरेकाे उपसमितिले ६ जनाकाे नाम छनोट गरेकाे हाे। अब अर्थमन्त्रीले ६ जना मध्ये ३ जनाको नाम सिफारिस गर्नेछन्। ति ३ जना मध्ये एक जनालाई मन्त्रिपरिषदले नियुक्त गर्नेछ।

गभर्नर महाप्रसाद अधिकारीको संयोजकत्वमा बनेको उपसमितिले सुशील ज्ञवाली, दीपकराज जोशी, रामकृष्ण खतिवडा, चण्डीकाप्रसाद भट्ट, सुमन शर्मा र सरोज कोइरालाको नाम अर्थमन्त्री डा. युवराज खतिवडालाई बुझाएको हो।

आगामी मन्त्रिपरिषद बैठकले सीईओ छनोट गर्ने अर्थ मन्त्रालय स्राेतले जनाएकाे छ।