युनिकोड
नेपाली कांग्रेस संसदीय दलका नेता भीष्मराज आङदेम्बेले पार्टी नीतिगत स्पष्ट भएर मात्र समग्रतामा समयको नेतृत्व गर्न नसक्ने बताएका छन्।
मंगलबार काठमाडौंमा कांग्रेस महामन्त्री गुरु घिमिरेद्वारा लिखित पुस्तक ‘बुद्ध, बीपी र आजका नेता र लिलिपुटका लघुमानव’ विमोचन समारोहलाई सम्बोधन गर्दै आङदेम्बेले पार्टीले नीतिसँगै व्यवहारिक कार्यशैलीमा सुधार गर्न सकेमात्र बदलिँदो समयको नेतृत्व गर्नसक्ने बताए।
‘नेपाली कांग्रेस नीतिगत रुपमा स्पष्ट पार्टी हो, त्यसमा कुनै शंका छैन,’ आङदेम्बेले भने, ‘नीतिगत स्पष्टता बोकेको पार्टीले मात्रै समग्रतामा सम्पूर्ण समयको नेतृत्व गर्न नसक्दो रहेछ भन्ने कुराको प्रमाण आजको पार्टी पनि हो। त्यसैले नीतिगत स्पष्टता सँगसँगै व्यवहारमा देखिने गरी आफूलाई प्रस्तुत गराउनसक्ने पार्टी र नेतृत्व पनि हो।’
मुलुक र नागरिकको समस्या समाधानमा पार्टीको नीति केन्द्रित हुनुपर्नेमा उनले जोड दिए। उनले मुलुलको वर्तमान राजनीति अपेक्षाकृत ढंगले अघि बढ्न नसकेकोप्रति चिन्ता व्यक्त गरेका छन्।
‘हामीले समयको पदचापलाई बुझेर पार्टीलाई नीतिगत स्पष्टता दिएर मात्र होइन, व्यवहारिक रुपमा थप स्पष्टता दिँदै कार्यकर्तालाई विश्वासको चाङमाथि उभ्याएर अगाडि बढाउनसक्ने क्षमाता पनि बोक्न सक्नुपर्छ,’ आङदेम्बेले भने।
उनले वर्तमान राजनीति बाँचुञ्जेलसम्म ऋण काढेरै भए पनि घ्यू भातै खाउँ भन्ने तरिकाले चलिरहेको टिप्पणी गरे।
प्रतिक्रिया