युनिकोड
नेपाली कांग्रेसका निवर्तमान कार्यवाहक सभापति पूर्णबहादुर खड्काले संसदीय नेताको चयनमा अस्वाभाविक ढिलाई भएको भन्दै आपत्ति जनाएका छन्।
आइतबार सामाजिक सञ्जालमा लेख्दै उनले ‘संसदीय दलको नेता छनोटको कार्यमा देखिएको अस्वाभाविक ढिलाई र अन्योल दलको सार्वभौम अधिकार माथिको ठाडो हस्तक्षेप’ भएको बताएका छन्।
उनले यसतर्फ सांसदहरूको गम्भीर ध्यानाकार्षणसमेत गराएका छन्।
‘नेपाली कांग्रेस संसदीय दलको नेता छनोट गर्ने कार्य पार्टी केन्द्रीय कार्यसमितिले दलको विधान अनुमोदन गरेपछि संसदीय दलको विधानको व्यवस्था बमोजिम केन्द्रीय कार्यसमितिको समन्वय र सहजीकरणमा संसदीय दलका सदस्यहरुले सर्वसम्मत वा प्रतिस्पर्धाको माध्यममाबाट सार्वभौम तरिकाले निर्वाचन सम्पन्न गर्ने विषय हो’ उनले लेखेका छन्, ‘यो दशथरिको हुन्डरि मच्चाउने काम र हस्तक्षेप कसैको हितमा छैन।’
नेता खड्काले संसदीय दलले अबिलम्ब दल नेताको चयन सम्पन्न गरेर जनता र दुनियाँको नजरमा पार्टीको छबिमा हुन थालेको थप क्षतिलाई रोक्न आग्रहसमेत गरेका छन्।
प्रतिक्रिया