वाम एकताको राग फोहर गरेपछि दैलो देखेजस्तै: गोकुल बास्कोटा

नेकपा एमालेका केन्द्रीय सदस्य गोकुल बास्कोटाले फेरि वाम एकताको कुरा गर्नु भनेको फोहर गरिसकेपछि दैलो देखेजस्तै भएको भनी कटाक्ष गरेका छन्।

उनले बुधबार सामाजिक सञ्जालमार्फत यसको साटो बरु आफ्नै पार्टी र नेतृत्व पुनर्गठन गर्नु बेस हुने बताएका छन्। 

‘फेरि वाम एकताको राग चल्न लागेछ। यो पनि जनताले मत हालेर सरकार गठन हुन लाग्दा केही मान्छेले मसीको प्रमाण खोज्न हिडेझैँ फोहर गरेपछि दैलो देखेजस्तै हो’, पूर्वमन्त्रीसमेत रहेका एमाले नेता बास्कोटाले लेखेका छन्, ‘आन्दोलनको पुनर्जागरणभित्र सगंठनको पुनर्गठन र नवीन नेतृत्वको निर्माण खोज्नु बेस। मितको एकताले जनता र समर्थकमा विश्वास आर्जन हुन सक्दैन।’