एमाले उम्मेदवारको छैन कुनै सम्पत्ति

आसन्न प्रतिनिधिसभा निर्वाचनमा नेपाल कम्युनिष्ट पार्टी ९एमाले०को तर्फबाट कास्की क्षेत्र नं. २ का उम्मेदवार रश्मि आचार्यले आफ्नो कुनै सम्पत्ति नभएको बताएका छन् । आफ्नो जन्मथलो पोखरा–३३ भरतपोखरीबाट सम्पत्ति बुधबार सम्पत्ति विवरण सार्वजनिक गर्दै उनले यस्तो बताएका हुन् । 
बिहीबार भरतपोखरीमा मतदाता भेटघाट गर्ने क्रममा लामगादीमा एक कार्यक्रमका बीच उनले भने ‘पुख्र्यौली जग्गा जमिन उनको वुवाको नाममा रहेको छ । विभिन्न मिडियामा प्रकाशित लेखबाट प्राप्त रकम र श्रीमतीको जागिर नै मेरो कमाई हो । अन्य कुनै सम्पत्ति छैन ।’ 
‘इमानदारी र नैतिकतालाई उच्च आदर्श मानेर अघि बढेको छु । अहिलेसम्म कसैसँग बेइमानी गरेको छैन, भोलि पनि गर्ने छैन,” आचार्यले भने, ‘आज मसँग जे–जति छ, तपाईँहरूलाई जानकारी गराएको छु, भोलि पनि नियमित रूपमा जानकारी गराउनेछु ।’
उनले पदमा पुगेपछि मात्र होइन, उम्मेदवारीकै चरणमा सम्पत्ति विवरण सार्वजनिक गर्नु जनताप्रतिको उत्तरदायित्व भएको उल्लेख गरे । विजयी भएपछि मात्र सम्पत्ति विवरण सार्वजनिक गर्ने परम्परा रहे पनि आफूले आम मतदातालाई सुसूचित गर्ने उद्देश्यले अग्रीम रूपमा विवरण सार्वजनिक गरेको स्पष्ट पारे ।
उनले आफू सधैं पारदर्शिता, सुशासन र जवाफदेहिताको पक्षमा उभिएको बताए । समृद्धि र विकासलाई ‘अर्जुन दृष्टि’ बनाउँदै निःस्वार्थ सेवाभावका साथ उम्मेदवारी दिएको बताउने आचार्यले आफ्नै जन्मभूमिका बासिन्दालाई साक्षी राखेर सम्पत्ति विवरण सार्वजनिक गर्नु राजनीतिक इमानदारीताको उदाहरण भएको स्थानीयवासीको धारणा छ ।