युनिकोड
नेपाली कांग्रेसका नेता डा. शेखर कोइरालाले आफूनिकट विशेष महाधिवेशन पक्षधर नेतासँग छलफल गरेका छन्।
कोइरालाले सोमबार बिहान आफूनिकट नेताहरूसँग महाधिवेशन विवाद समाधानको मध्यमार्गी विकल्पबारे छलफल गरेका हुन्। कोइराला निकट विशेष महाधिवेशनको नेतृत्वकर्ता देवराज चालिसेले पार्टीको हित केन्द्रित विवाद समाधानको खोजी भइरहेको बताए।
‘विशेष महाधिवेशनबारे छलफल भइरहेको छ। आज बिहान नेताहरूसँग छलफल भयो। अहिले हामी (विशेष महाधिवेशन पक्षधर) पनि छलफल गर्दै छौँ। पार्टीको हित केन्द्रमा राखेर समाधान खोज्नुपर्छ,’ चालिसेले भने।
महामन्त्रीद्वय गगन थापा र विश्वप्रकाश शर्माले आगामी पुस २७-२८ का लागि गरेको विशेष महाधिवेशनको आह्वानको विपक्षमा उभिएका नेता कोइरालाले आफू निकट विशेष महाधिवेशन पक्षधरलाई मनाउने प्रयास गरिरहेका छन्।
पुस १८ गते बसेको केन्द्रीय कार्यसम्पादन समिति बैठकले २०८३ वैशाख २८-३१ का लागि नियमित महाधिवेशन तोकेपछि विशेष महाधिवेशन पक्षधर नेतालाई पार्टीको निर्णय बाहिर नजान कोइरालाको सुझाव छ।
प्रतिक्रिया