लेखराज, रघुवीर र योगेश बने एमालेका उपमहासचिव

नेकपा (एमाले)को उपमहासचिवमा लेखराज भट्ट, रघुवीर महासेठ र योगेश भट्टराई निर्वाचित भएका छन्। 

एमाले केन्द्रीय निर्वाचन आयोगका अनुसार, उपमहासचिवमा निर्वाचित लेखराजले १ हजार ४५२, रघवीरले १ हजार ३६८ र योगेशले १ हजार ३४८ मत पाएका छन्। एमालेमा तीन जना उपमहासचिव रहने व्यवस्था छ। 

उपमहासचिवमा ७ जनाको उम्मेदवारी परेको थियो। ओली निकट नेता विष्णु रिमाल चौथो नम्बरमा रहे। उनले एक हजार ९१ मत पाए। 

त्यस्तै, पाँचौँ नम्बरमा रहेका आनन्दप्रसाद पोखरेलले ६३५ र छैटौँ रहेका वैजनाथ चौधरीले ५१७ मत पाए। त्यस्तै, अन्तिममा रहेका राजेन्द्रप्रसाद गौतमले २७० मत पाएका छन्। 

उपमहासचिवको मतः 

लेखराज भट्ट : १४५२

रघुवीर महासेठ : १३६८

योगेस भट्टराई : १३४८

विष्णुप्रसाद रिमाल : १०९१

आनन्दप्रसाद पोखरेल : ६३५

वैजनाथ चौधरी : ५१७

राजेन्द्रप्रसाद गौतम : २७०