युनिकोड
नेकपा एमालेको जारी ११औँ महाधिवेशनअन्तर्गत नयाँ नेतृत्व चयन गर्न बुधबार बिहान ९ बजेदेखि जारी मतदान अझै (बिहीबार बिहानसम्म) सकिएको छैन।
एमालेको केन्द्रीय निर्वाचन आयोगका सचिव डा कुन्साङ लामाले अब सयजति मत खस्न बाँकी रहेको जानकारी दिए।
आज (बिहीबार) बिहान ५:४३ बजे नेपालखबरसँग उनले भने, ‘सबै जना भित्र पसिसक्नुभएको छ, अब मेसिनमा सयजति मत खस्न बाँकी होला। अरू एक घण्टा लाग्ला कि?’
आइतबारदेखि काठमाडौँको भृकुटीमण्डपमा जारी एमाले महाधिवेशनमा बुधबार बिहान सवा ९ बजे मतदान सुरु भएको थियो। रातभर निरन्तर मतदान गर्दा पनि यो खबर बनाउँदासम्म जारी छ।
एमाले महाधिवेशनमा कुल २ हजार २६३ मतदाता छन्।
जारी महाधिवेशनमा केपी शर्मा ओली र ईश्वर पोखरेल प्यानलसहित अध्यक्ष पदका लागि चुनावी मैदानमा छन्।
प्रतिक्रिया