युनिकोड
कतारको चारदिने भ्रमणमा जान लागेका राष्ट्रपति रामचन्द्र पौडेलले विश्व सामाजिक विकास शिखर सम्मेलनलाई सम्बोधन गर्ने भएका छन्।
परराष्ट्र सचिव अमृतबहादुर राईका अनुसार उनले कात्तिक १८ गते उक्त सम्मेनलाई सम्बोधन गर्ने भएका हुन्।
त्यस्तै उनले कतारका राजा अमिर तामिम बिन हमाद अल थानीसँग पनि भेटघाट गर्ने छन्। राष्ट्रपति पौडेलले संयुक्त राष्ट्रसंघका महासचिव एन्टोनियो गुटेरेससँग पनि भेटघाट हुने छ।
परराष्ट्र सचिव राईका अनुसार सम्मेलनका नेपालको एजेन्डा गरिबी निवारण, शिक्षाको स्तरउन्नती लगायतका विषयमा प्रतिवद्धता जनाउने रहेका छन्।
सम्मेलनको साइडलाइनमा भारत र चीनका प्रतिनिधिसँग भेट गर्ने कार्यक्रम भने नरहेको परराष्ट्र मन्त्रालयले बताएको छ।
कतार सरकार र संयुक्त राष्ट्रसंघको इकोनोमिक एन्ड सोसल काउन्सिलले आयोजना गर्न लागेको सम्मेलनका लागि राष्ट्रपतिको कात्तिक १७ देखि २० गतेसम्मको भ्रमण स्वीकृत भएको छ।
प्रतिक्रिया