युनिकोड
प्रमुख प्रतिपक्षी नेकपा माओवादी केन्द्रले भिजिट भिसा प्रकरणमा छानबिन समितिको माग सही भए पनि गृहमन्त्री रमेश लेखकको राजीनामा माग्दै संसद् अवरोध गर्नु गलत भएको निष्कर्ष निकालेको छ।
माओवादी केन्द्रको साउन १६-१९ गतेसम्म बसेको स्थायी समिति बैठकले त्यस्तो कमजोरीले पार्टीप्रति केही भ्रम र नकारात्मकता पैदा गरेको समेत ठहर गरेको छ।
भिजिट भिसामा गृहमन्त्री लेखकको राजीनामा माग गर्दै रास्वपासहितका विपक्षी दलसँग मिलेर माओवादी केन्द्रले जेठ १३ गतेदेखि संसद् अवरुद्ध गरेको थियो। तर, जेठ १५ गते बजेट पेस गर्न अवरोध खोलेको माओवादीले त्यसपछि सरकारसँग २ बुँदे सहमति गरेको थियो।
भिजिट भिसा प्रकरणको छानबिन गर्न समिति बनाउने सहमतिपछि माओवादी संसद् अवरोधबाट पछाडि हटेको थियो। 
प्रतिक्रिया