भिजिट भिसा प्रकरण अनुसन्धान गर्न एक महिनाभित्र छानबिन समिति बन्छः वर्षमान पुन

नेकपा (माओवादी केन्द्र) का उपमहासचिव वर्षमान पुनले भिजिट भिसा प्रकरणबारे एक महिनाभित्र छानबिन समिति बन्ने बताएका छन्।

शुक्रबार संसद भवन परिसरमा सञ्चारकर्मीहरुसँग कुरा गर्दै उनले यस्तो बताएका हुन्। उनले सबै विपक्षीलाई एक ठाउँमा राख्ने कोशिस आफूहरुले गरे पनि सफल हुन नसकेको बताए।

नेता पुनले एक महिनाभित्र छानबिन समिति बनेन र उपयुक्त ढंगले गएन भने संघर्ष गर्न कुरा उठाउन कसैले नरोक्ने बताए।

उनले भने, ‘एक महिनाभित्र छानविनको लागि प्रक्रिया अघि बढ्छ, समिति बन्छ। सबै विपक्षीलाई एक ठाउँमा ल्याउन कोशिस गरेका हौँ । सम्भव भएन। एक महिनाभित्र छानविन समिति बनेन र उपयुक्त ढंगले गएन भने संघर्ष गर्न कुरा उठाउन कसैले रोक्दैन।’

उपमहासचिव पुनले छानबिन समिति बनेपछि छानबिन हुने र दोषीउपर कारबाही हुने दाबी गरे।