प्रचण्डपछि माओवादीमा नेतृत्व संकट हुँदैन, उत्तराधिकारीको शृंखला तयार हुँदैछ : वर्षमान पुन

उनले थपे, ‘कमरेड प्रचण्डकै प्रस्तावमा हामीले गत महाविशनबाट जनवादी ढंगले नेतृत्वको शृंखला तयार गर्नेबारे विधि बनाएका छौँ।’
 
पुनले पछिल्लो समय प्रचण्डप्रति थप आकर्षण बढेको दाबी गरे। उनले भने, ‘कमरेड प्रचण्ड र पार्टी नेतृत्वप्रति देशभर जनतामा आकर्षण बढेको छ।’ 

पुनले थपे, ‘अध्यक्ष कमरेड प्रचण्ड र उहाँका पुस्ताका नेताहरु इतिहासको आवश्यकता र आकस्मिकताले पैदा गरेका नेताहरु हुनुहुन्छ। प्रचण्डको नेतृत्व प्राधिकारका रुपमा निर्माण भएको थियो।’

उनले अझै केही समय प्रचण्डको नेतृत्वलाई बलियो र सम्मानित बनाएर लैजानुपर्नेमा पार्टीभित्र कसैको फरक मत नरहेको दाबी गरे। 

फरक प्रसंगमा पुनले  वर्तमान कांग्रेस-एमाले गठबन्धन सरकार बिचौलिया र स्वार्थ समूहले बनाएको हो भन्ने आमजनताबीचमा स्थापित भएको जिकिर गरे।

‘अध्यक्ष प्रचण्डसहति हामीले संसदबाटै यो सरकार बिचौलियाले बनाएको हो भन्दै आयौँ,’ उनले भने,  ‘सुरुमा हाम्रो कुरालाई सरकारबाट हट्दाको पीडा भन्ने गरिन्थ्यो। एक वर्ष बित्दै गर्दा अहिले सबै जसोले त्यही भन्न थाले।’