सांसद लामाले मागे संसद्‌‌मै गुहार

नेकपा माओवादी केन्द्रका सांसद छिरिङ डम्डुल लामा (भोटे)ले संसद् बैठकमै गुहार मागेका छन्। मंगलबारको प्रतिनिधिसभाको बैठकलाई सम्बोधन गर्नेक्रममा उनले सरकारका विभिन्न कामकारबाहीमा प्रश्न उठाउँदै गुहार मागेका हुन्।  
 
'गुहार, गुहार, गुहार! कहिले समिति विचारधीन विधेयक लुटेको छ, कहिले सार्वभौम सम्पन्न सदनको अधिकार लुटेको छ, कहिले १८ घन्टा लोडसेडिङ गर्ने कुलमान घिसिङको अधिकार खोस्न न्वारनदेखिको बल लगाएको छ,' उनले भने, 'कहिले धार्मिक विश्वास जोडिएको पाथीभरामा आदिवासीको मर्म लुटिरहेको छ। गुहार सरकार! जताततै गाउँ बस्ती जलिरहेको छ, वनजंगल सिंहदरबार जलिरहेको छ।'  

उनले गत असोजमा आएको बाढीले बगाउँदा काठमाडौँमै जनताले गुहार नपाएको बताए।