युनिकोड
नेकपा माओवादी केन्द्रको विद्यार्थी संगठन अखिल क्रान्तिकारीको नेतृत्व चयन गर्न बिहान ८ बजेदेखि मतदान जारी छ।
क्रान्तिकारीको २३औँ राष्ट्रिय सम्मेलनअन्तर्गत अध्यक्षदेखि केन्द्रीय सदस्यसम्म चयन गर्न भइरहेको मतदान साँझ ६ बजेसम्म चल्नेछ।
सात प्रदेश तथा २ गैरभौगोलिक प्रदेशबाट मतदान भइरहेको क्रान्तिकारीले जनाएको छ।
क्रान्तिकारीको अध्यक्ष पदमा पाँच जनाले उम्मेदवारी दिएका छन्। उपदेशकुमार यादव, सुदिन पौडेल, हेमन्त राई, विजयप्रकाश शर्मा र योगेन्द्र बुढा अध्यक्षका उम्मेदवार हुन्।
खुला र आरक्षण गरी ९ उपाध्यक्ष पदका लागि ४४ र १ महासचिव पदका लागि ८ जनाले उम्मेदवारी दिएका छन्। यस्तै ९ उपमहासचिवका लागि ३६ र १२ सचिव पदका लागि ५३ जनाको उम्मेदवारी परेको छ। कोषाध्यक्ष पदमा ४ उम्मेदवार छन्।
अखिल क्रान्तिकारीको नेतृत्वमा जान ३२ वर्षे उमेर हद लागू भएपछि पहिलोपटक निर्वाचन भइरहेको हो।
यसैबीच अखिल क्रान्तिकारीको चुनावअन्तर्गत काठमाडौँस्थित वाल्मीकि विद्यापीठमा जारी मतदानका तस्बिर हेर्नुहोस्।
प्रतिक्रिया