किर्ते आरोपी सांसद सुनील शर्मालाई सरकारी वकिलले यी ४ आधारमा दियो उन्मुक्ति

३. सरकारी कागज होइन
डा शर्माको नक्कली भनिएको प्रमाणपत्र विदेशी विश्वविद्यालयको रहेको र उक्त कागजात सरकारी लिखत नरहेकोले पनि मुद्दा नचल्ने निर्णय सरकारी वकिल कार्यालयले गरेको छ।

४. अख्तियारको अनुसन्धान
अख्तियार दुरुपयोग अनुसन्धान आयोगले पनि यसअघि डा शर्मालाई नियन्त्रणमा लिई हिरासतमा राखेको पाइएको छ। लोकमानसिंह कार्कीका पालामा उनी अनुसन्धानमा तानिएका थिए। पछि लोकमानसिंह कार्की महाभियोग प्रस्तावका कारण निलम्बित भए र सर्वोच्च अदालतले अयोग्य ठहर गरी पदमुक्त नै गरिदियो। त्यतिखेर उनले आफू नेपाली कांग्रेसको कार्यकर्ता भएकाले प्रतिशोधपूर्ण अनुसन्धान गरिएको भनी उन्मुक्ति लिएका थिए। 

‘एउटै विषयमा राज्यका फरकफरक निकायले अनुसन्धान गरेको, कुनै व्यक्तिलाई मन लाग्दा विषय उठाएको र मन नलाग्दा रोकेको पाइएकाले पनि यो मुद्दा अगाडि बढ्ने देखिएन,’ सरकारी वकिल कार्यालयका ती अधिकारीले भने।

• सरकारी वकिल कार्यालयमा सुनील शर्माको बयान– प्रमाणपत्रमा अख्तियारबाट ‘क्लिनचिट’ पाइसकेँ

शर्माले एमबीबीएस पढ्न चीनको विद्यालयमा पेस गरेको प्रवीणता प्रमाण पत्र तह (आईएससी) को प्रमाणपत्र नै नक्कली रहेको भन्दै सीआईबीले अघिल्लो वर्ष साउन २५ गते उनलाई पक्राउ गरेको थियो। 

शर्मासहितका केही चिकित्सकले भारतीय नक्कली प्रमाण पत्रहरू पेस गरी नेपाल मेडिकल काउन्सिलमा दर्ता गरिएको भन्दै सीआईबीले अपरेसन क्वाक चलाएको थियो। त्यसै क्रममा उनीसहित केही चिकित्सक पक्राउ परेका थिए। 

पक्राउ परेको भोलिपल्टै शर्मालाई थुनाबाहिरै राखेर अनुसन्धानन अघि बढाउने गरी जिल्ला अदालत काठमाडौँले आदेश दिएको थियो।