प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डले राष्ट्रिय राजनीतिको परिस्थितिलाई आफूले कहालीलाग्दो अवस्थामा नदेखिेको जिकिर गरेका छन्।
शनिबार माओवादी पार्टी कार्यालय पेरिसडाँडामा आयोजित एक पुस्तक विमोचन कार्यक्रमलाई सम्बोधन गर्दै प्रधानमन्त्री प्रचण्डले यस्तो बताएका हुन्।
‘अहिलेको परिस्थिति कहालीलाग्दै हो कि भन्ने आउन खोज्यो, कहालीलाग्दै त मलाई लागेको छैन। उतारचढाव पक्कै भएका छन्,’ उनले भने।
साथै, उनले आफ्नो ध्यान नीति तथा कार्यक्रम र सरकारले ल्याउन लागेको आगामी आर्थिक वर्षको बजेटमा केन्द्रीत भएको बताए।
‘यतिबेला सरकारको ध्यान भनेको स्वभावैले यो वर्षको नीति कार्यक्रमलाई जो राष्ट्रपतिबाट प्रस्तुत भयो र सदनका दुवै सदनबाट पारित गर्नु र १५ गतेको बजेटको अन्तिम तयारीमा छौँ,’ प्रधानमन्त्री प्रचण्डले भने, ‘नीति कार्यक्रममा आएका योजना कार्यक्रमलाई बजेटले ठिक ढंगले सम्बोधन गरोस् भनेर प्रधानमन्त्रीको हैसियतले एउटा सानो टिमलाई काम लगाएको छु। सम्भवतः भोलिसम्म टुंगोमा पुर्याउँछौँ।’
Shares
प्रतिक्रिया