युनिकोड
नेकपा माओवादी केन्द्रले आइतबारसम्मा राष्ट्रिय सभा अध्यक्षको उम्मेदवार टुंगो लगाउने भएको छ। शनिबार बसेको पार्टीको संसदीय दलको बैठकमा यसबारे छलफल भएको र भोलीसम्म उम्मेदवार टुंगो लाग्ने प्रमुख सचेतक हितराज पाण्डेले जानकारी दिए।
‘सम्माननीय प्रधानमन्त्रीज्यूले उम्मेदवारबारे भोलिसम्म निर्णय हुन्छ भन्नुभएको छ,’ बैठकपछि सञ्चारकर्मीसँग कुराकानी गर्दै उनले भने।
बैठकमा सहभागी अर्का एक सांसदका अनुसार आइतबार बिहान पदाधिकारी बैठक बोलाएर यसबारे निर्णय लिन लागिएको हो।
‘भोलि बिहान पदाधिकारी बैठक बस्ने र त्यसबारे निर्णय लिने कुरा भएको छ,’ ती सांसदले भने।
माओवादीमा अहिले तीनजनाको नाम राष्ट्रिय सभा अध्यक्षका लागि चर्चामा छ। हाल उपाध्यक्ष रहेकी उर्मिला अर्याल, झक्कु सुवेदी र नारायण दाहालमध्ये कसलाई अध्यक्षको उम्मेदवार बनाउने भन्नेबारे गृहकार्य थालिएको छ।
‘६ वर्षे कार्यकाल उहाँ (झक्कु सुवेदी) कै भएकाले विषय उहाँतिरै मोडिएको बुझेको छु,’ ती सांसदले नेपालखबरसँग भने।
प्रतिक्रिया