युनिकोड
नेपाली कांग्रेसको अवरोधका कारण प्रतिनिधसभाको बैठक स्थगित भएको छ।
शुक्रबार बसेको बैठकको सुरुमै बालुवाटारमा रहेको ललितानिवासको जग्गा अनियमितता प्रकरणमा कांग्रेसका संसदीय दलका उपनेता विजय गच्छदारलाई अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको भन्दै कांग्रेसले बैठक अवरुद्ध गरेपछि सभामुख अग्नि सापकोटाले आधा घण्टाका लागि स्थगित गरेका हुन्।
सभामुख सापकोटाले पटक पटक बसेर नियमित प्रक्रियामा छलफल गर्न भने पनि कांग्रेस सांसदहरु तयार नभएपछि बैठक आधा घण्टा स्थगित गरेका हुन्।
संसद सुरु भए लगत्तैपछि कांग्रेसका सबै सांसद उठेका थिए। त्यसपछि कांग्रेसका सांसद मानबहादुर विश्वकर्मालाई आफ्नो धारणा राख्न सभामुख अग्निप्रसाद सापकोटाले समय दिएका थिए।
संसद विश्वकर्माले बोलेलगत्तै कांग्रेस सांसदहरुले संसद अवरुद्ध गरेका हुन्।
प्रतिक्रिया