युनिकोड
नेपालले चीन सरकारलाई १ लाख थान प्रोटेक्टिभ मास्क हस्तान्तरण गरेको छ । परराष्ट्रमन्त्री प्रदीपकुमार ज्ञवाली तथा स्वास्थ्यमन्त्री भानुभक्त ढकालले नेपालस्थित चिनियाँ राजदूत होउ यान्छीलाई हस्तान्तरण गरेका हुन् ।
कोरोना भाइरसको महामारीसँग जुघिरहेको चीनलाई नेपालले एक लाख थान मास्क उपलब्ध गराएको हो । कोरोना भाइरसले कारण चीनमा ६ सय ३८ जनाको मृत्यु भैसकेको छ भने ३१ हजारभन्दा बढी व्यक्ति संक्रमित भएका छन् ।
चीनको राष्ट्रिय स्वास्थ्य आयोगले शुक्रबार बिहान दिएको जानकारीअनुसार अहिलेसम्म कोरोनाको संक्रमणबाट चीनमा मात्रै ६३६ जनाको मृत्यु भइसकेको छ। चीनबाहेक हङकङ र फिलिपिन्समा एकरएक जनाको मृत्यु भएको छ।
चिनियाँ राष्ट्रिय स्वास्थ्य आयोगका अनुसार चीनमा मृत्यु भएकामध्ये ६ सय १८ जना हुबेई प्रान्तका मात्रै छन्। बिहीबार मात्रै ७३ जनाको र हुबेई प्रान्तमा मात्रै ६९ जनाको मृत्यु भएको आयोगले जनाएको छ।
बिहीबार थप ३ हजार १ सय ४३ जनामा कोरोनाको संक्रमण देखिएको छ। बुधबार ७३ जनाको मृत्यु र थप ३ हजार ६ सय ९४ जनामा संक्रमण देखिएको छ। त्यस्तै १ हजार ५ सयभन्दा बढी जना उपचारपछि निको भएको चिनियाँ स्वास्थ्य अधिकारीले बताएका छन्।
शुक्रबार बिहानसम्मको तथ्यांकअनुसार विश्वका २८ देशमा कोरोना भाइरस फैलिएको र ३१ हजारभन्दा बढी यसबाट संक्रमित भएको अन्तर्राष्ट्रिय सञ्चारमाध्यमले जनाएका छन्।
कोरोना संक्रमित कहाँ कति?
चीन– ६३६ मृत्यु/३१,१६१ संक्रमित
हङकङ– १ मृत्यु/२४ संक्रमित
फिलिपिन्स– १ मृत्यु, ३ संक्रमित
संक्रमित
जापान– ८६
सिंगापुर– ३०
थाइल्यान्ड– २५
दक्षिण कोरिया– २४
ताइवान– १६
अस्ट्रेलिया– १५
मलेसिया– १४
जर्मनी– १३
भियतनाम– १२
अमेरिका– १२
मकाओ– १०
क्यानडा– ७
फ्रान्स– ६
यूएई– ५
फिलिपिन्स– ३
इटाली– ३
भारत– ३
बेलायत– ३
रुस– २
श्रीलंका– १
कम्बोडिया– १
फिनल्यान्ड– १
नेपाल– १
स्विडेन– १
स्पेन– १
बेल्जियम– १
प्रतिक्रिया