एमालेको प्रदेश अधिवेशनमा राति मतदान गरिएकोप्रति भीम रावलको असन्तुष्टि

नेकपा एमालेका नेता भीम रावलले आफ्नै दलको आन्तरिक निर्वाचन अस्तव्यस्त भएकाे भन्दै असन्तुष्टि व्यक्त गरेका छन्। 

एमालेले निर्वाचन मार्फत् विभिन्न प्रदेशको नेतृत्व चयन गरिरहेको छ। बागमती र लुम्बिनीमा निर्वाचन मार्फत् नेतृत्व चयन गरेको एमाले यतिबेला कर्णाली र कोशीमा नेतृत्व चयनको तयारीमा छ। त्यसको लागि ती प्रदेशमा यतिबेला मतगणना चलिरहेको छ। 

नेता रावलले आफ्नै दलको आन्तरिक निर्वाचन निश्चित विधि र प्रक्रियाबाट नभएको भन्दै असन्तुष्टि जनाएका हुन्।

उनले पूर्व निर्धारित समय विपरित मतदान र मतगणनाको समय लम्व्याइएको, राति राति मददात गराइएकोप्रति प्रश्न गर्दै त्यसबाट स्वच्छ र स्वस्थ राजनीतिलाई सहयोग नपुग्ने बताएका हुन्।

‘दलको आन्तरिक निर्वाचन निश्चित विधि र प्रक्रियाबाट हुनुपर्छ। उम्मेदवारी दिने, फिर्ता लिने र उम्मेदवारको अन्तिम नामावली प्रकाशित गर्ने, मतदान र मतगणना गर्ने काम समयबद्ध हुनुपर्छ,’ नेता रावलले सोमबार सामाजिक सञ्जालमा लेखेका छन्, ‘महाधिवेशनरअधिवेशन लम्ब्याएर अस्तव्यस्त स्थिति सिर्जना गर्ने र राति मतदान गराउने काम र प्रवृत्तिले स्वच्छ र स्वस्थ राजनीतिको विकासमा सहयोग पुग्दैन।’