महेन्द्र यादवमाथि खुकुरी प्रहारबारे सरकारको जवाफ : शान्ति सुरक्षामा तलमाथि हुँदैन

सरकारले देशमा शान्ति सुरक्षा कायम गर्न प्रतिवद्ध रहेको जनाएको छ।

शुक्रबार प्रतिनिधिसभाको बैठकमा सम्बोधन गर्दै प्रधानमन्त्री पुष्पकमल दाहाल प्रचण्डले यस्तो बताएका हुन्।

गत भदौ २० गते भृकुटीमण्डमा यादवमाथि भएको खुकुरी प्रहारपछि सत्ता साझेदार नेपाली कांग्रेस आक्रोशित छ। यस्तोमा प्रचण्डले यादवमाथि आक्रमणमा संलग्नलाई कारबाहीको प्रतिवद्धता पनि जनाए।

‘नेपाली कांग्रेसका सह-ममहामन्त्री महेन्द्र यादवमाथि भएको खुकुरी प्रहारलाई सरकारले गम्भीर रुपमा लिएको छ’, उनले भने, ‘यस प्रकारका आक्रमणका घटना दोहोरिन नदिन र शान्ति सुरक्षा कायम गर्न सकार प्रतिवद्ध छ।’

यसअघि यादव प्रकरणमा नेपाली कांग्रेसका महामन्त्री गगनकुमार थापासहितले अब सडकमा एक्लै हिँड्न पनि नसकिने अवस्था आएको भन्दै सरकारको कडा आलोचना गरेका थिए।