राष्ट्रिय स्वतन्त्र पार्टी (रास्वपा) ले केन्द्रीय कमिटी र संसदीय दलको संयुक्त बैठक बोलाएको छ। सोमबार (४ असार) बिहान ७ बजे पार्टी कार्यालय बसुन्धारामा संयुक्त बैठक आह्वान गरिएको प्रवक्ता डा. मुकुल ढकालले नेपालखबरलाई बताए।
उनका अनुसार आगामी असार ७ गते मनाउन लागिएको पार्टी स्थापना दिवसको तयारीका विषयमा छलफल गर्न बैठक बोलाइएको हो।
‘हाम्रो पार्टीको स्थापना दिवस असार ७ गते मनाउँदै छौं,’ प्रवक्ता डा. ढकालले भने, ‘स्थापना दिवसको तयारीका विषयमा छलफल गर्न बैठक बोलाइएको हो।’
रास्वपाले पार्टी स्थापनाको एक वर्ष पुगेका अवसरमा सप्ताहव्यापी कार्यक्रमको आयोजना समेत गर्न लागेको छ।
39
Shares
प्रतिक्रिया