ad ad

राजनीति


रविले संसदमा भने : अमेरिकी नागरिकता त्यागेको निस्सा सर्वोच्च अदालतमा बुझाइसकेँ

रविले संसदमा भने : अमेरिकी नागरिकता त्यागेको निस्सा सर्वोच्च अदालतमा बुझाइसकेँ

फाइल तस्बिर


नेपालखबर
जेठ १०, २०८० बुधबार १७:३६, काठमाडौँ


राष्ट्रिय स्वतन्त्र पार्टीका सभापति रवि लामिछानेले अमेरिकी नागरिकता त्यागेको निस्सा आफूले सर्वोच्च अदालतमा पेश गरिसकेको बताएका छन्। 

बुधबार बसेको प्रतिनिधिसभाको बैठकमा नेपाली कांग्रेसका सांसद अजय चौरसियाले आफ्नो नागरिकता प्रकरणबारे कुरा उठाएपछि नियमापत्ति जनाउँदै उनले यस्तो बताएका हुन्। 

रविले कांग्रेस सांसद चौरसियाले अदालअतमा विचाराधीन र चलिरहेको विषयलाई संसदमा उठाएर गलत गरेको पनि बताएका छन्। 

‘अमेरिकी नागरिकता त्यागेको मेरो निस्सा कहाँ खोजिएको हो?’, उनले भने, ‘हल्लाका भरमा लेखिएको समाचारको शीर्षकलाई लिएर संसदमा उठाउनु भएकोमा आपत्ति छ।’ 

उनले रास्वपाका निलम्बित सांसद ढाकाकुमार श्रेष्ठले पैसा दिएको भन्दै आएको समाचारको कुरा संसदको रोस्ट्रममा बसेर उठाउनु आपत्तिजनक रहेको बताए। 

‘संसदमा यस्तो कुरा गर्ने होइन। प्रमाण छ भने प्रस्तुत गर्नु होला’, उनले भने, ‘प्रमाण पेश गर्नुस्। हामी संसदको पाँच किलोमिटर वरपर देखिँदैनौँ। मैले अमेरिकी नागरिकता त्यागेको निस्सासहितको आवश्यक कागजात अस्तिको दिन अदालतमा पेश गरिसकेको छु।’

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .