युनिकोड
नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीले एमालेसँग सत्ता सहकार्यको कुनैपनि सम्भावना नरहेको बताएका छन्।
सडक शिलान्यासका लागि इनरुवा पुगेका कार्कीले कांग्रेस र एमाले मिल्ने आकलनसहितका टिका टिप्पणी सुनिने गरेको भएपनि त्यसमा सत्यता भने नरहेको बताएका हुन्।
उनले नेकपा एमाले अबको ५ वर्ष प्रमुख प्रतिपक्षमा रहने बताए। उनले प्रदेश र केन्द्रमा गठबन्धनकै सरकार निर्माण हुने बताए।
उनले केन्द्रमा नेतृत्व परिवर्तन भएझैँ प्रदेशमा पनि नेतृत्व परिवर्तन हुने बताए।
‘एमाले प्रमुख प्रतिपक्षमा ५ वर्ष रहने छ। एमाले र नेपाली कांग्रेस मिलेर सरकार बन्दैन भन्ने कुरा यहीँबाट उद्घोष गर्न चाहन्छु,’ उनले भने, ‘यो सरकार यही गठबन्धन ५ वर्ष रहने छ। केन्द्रमा पनि रहने छ र प्रदेशमा समेत रहने छ। जसरी केन्द्रमा नेतृत्व परिवर्तन भयो त्यस्तै गरेर प्रदेश सरकारको नेतृत्व परिवर्तन हुनेछ।’
कार्कीले असारको बजेट अगावै कोशी प्रदेशमा समेत सरकारको नेतृत्व
परिवर्तन हुने पनि बताए।
प्रतिक्रिया