युनिकोड
जिल्ला प्रहरी कार्यालय नुवाकोटले प्रतिबन्धित नेत्रविक्रम चन्द विप्लव समूहका जिल्ला सेक्रेटरी ‘अशोक’ भनिने विन्तोष सिलवाललाई पक्राउ गरेको छ।
अशोका काठमाडौँबाट पक्राउ परेका हुन्। ‘सार्वजनिक हित, स्वास्थ्य, सुरक्षा, सुविधा र नैतिकता’ विरुद्धको कसुर अभियोगमा जिल्ला प्रशासन कार्यालयमार्फत म्याद लिएर अशोकलाई अनुसन्धान थालिएको जिल्ला प्रहरी कार्यालय नुवाकोटका प्रमुख अविनारायण काफ्लेले जानकारी दिए।
नुवाकोटको विदुर नगरपालिका–२ नुवाकोटडाडाँ, १० को गेर्खु, बेलकोटगढी नगरपालिका– ४ पेटारेपाखामा रहेको एनसेलको टावरमा आगजनी, ककनी गाउँपालिका– १ को वडा कार्यालयमा बम विष्फोटन तथा डर र त्रास दिएर विभिन्न स्थानमा चन्दा सङ्कलन गरेको लगायतका अभियोगमा उनलाई पक्राउ गरिएको प्रहरीले जनाएको छ।
प्रतिक्रिया